დაუბერა წუხელ ქარმა
და ღრუბლები ააქაფა,
საუზმისთვის ნიკო-მარის
მოუმზადა თოვლის ფაფა
დაუძახეს უმალ ბავშვებს,
თნ წაიღეს დიდი კოვზი,
რა იქნება გემრიელი
ნაყინივით ცივ თეთრ თოვლზე?!
აკისკისდა მარიამი,
ნიკო ლამის გაიგუდა -
მადიანად გადაყლაპა
თოვლის ფაფის დიდი გუნდა:
,,რა კარგია, დედას უკვე
არ ექნება სათქმელიო,
ძლივს ვიპოვეთ სასურველი,
გემრიელი საჭმელიო!''
psნიკოლოზმა და მარიამმა მართლა გემრიელად მიირთვეს თოვლი :) :) :)
თოვლი
ფიფქი ცვივა, გაათეთრა
ქუჩა, ეზო, შარა-შუკა,
თოვს და თოვლმა ყველაფერი
ერთიანად გააშუქა.
გახალისდა არემარე
პატარების ჟრიამულით.
როცა ბარდნის, დიდებსაც კი
უყვართ თოვლში სიარული.
* * *
აგარაკზე წასულებს
მოგვიყვანა მამიკომ
ორი პაწაწინა კუ –
ნიკო-კუ და მარი-კუ.
ვიფიქრეთ, რომ შიოდათ -
ვაბალახეთ კუები,
წყალიც ბევრი შევასვით,
მოვატარეთ რუები,
სახლიც კოხტად მოვურთეთ,
მართლა! არ ვიტყუები!
გაგვეპარნენ რატომღაც
უმადური კუები.
აგარაკზე წასულებს
მოგვიყვანა მამიკომ
ორი პაწაწინა კუ –
ნიკო-კუ და მარი-კუ.
ვიფიქრეთ, რომ შიოდათ -
ვაბალახეთ კუები,
წყალიც ბევრი შევასვით,
მოვატარეთ რუები,
სახლიც კოხტად მოვურთეთ,
მართლა! არ ვიტყუები!
გაგვეპარნენ რატომღაც
უმადური კუები.
